مدمرات العلاقة
❤️🔥مُدمرات العلاقة
(تقليل_انتقاد_الدفاع _جدار عازل)
لو بتعمل ال 4 حاجات دي توقع تدمير علاقاتك بنسبة 90 %
الطرف التاني ده ممكن يكون شريك حياتك ممكن صاحبتك او ابنك او حد معاك في العائلة
❌الانتقاد
انتقاد من أجل الانتقاد ده غلط و ده صح
الاصول كذا
ده بيخليك تفقد رصيد كتير في العلاقة حتي لو بتعملوا حاجات كتير كويسه مع بعض
فرق كبير بين رفض السلوك و الطعن في الشخص نفسه او إهانته و التقليل منه
♻️علاج الانتقاد
أنا+ احساسي بالموقف+توقعي من الطرف الأخر(احتياجي) +تقديم العُذر
انا +احساسي بالموضوع مثلاٍ أنا أضايقت لما عملت كذا ومسألتنيش
وبعده نقول احتياجنا او توقعنا من الطرف التاني (كنت متوقع انك هتسالني)
تقديم العذر (بس عارف انك مخدتش بالك مثلا)
❌ التقليل
ايه الغباوة دي 😏
حد يعمل كده🙄
او لو انا مثلا مستوايا اعلي من جوزي اعايره
او هو مثلا يقول لمراته انتِ لولايا مكنتيش اتجوزتي
♻️علاج التقليل أو الازدراء
🔹ذكر محاسن الطرف الأخر و تذكر فضله في العلاقة
ابني سياسية من التقدير والاحترام
انا بقدر كل حاجة بيعملها
(تسلم ايدك - شكرا)
مش عارفة من غيرك كنت هعمل ايه ♥️
❌الدفاع
مش مشكلتي حضرتك
اول ما حد يقولنا او يعاتبنا علي تصرف عاملناه
بنتعصب فورا
و بتاخد موقف الدفاع وانك مش غلطان والطرف التاني الي غلطان بنسبة 100 %
♻️علاج الدفاع
(عدم تحمل مسؤولية الخطأ)
🔹ذكر محاسن الطرف الأخر و تذكر فضله في العلاقة
🔹تقبل مسؤوليتي من الخطأ في الموقف حتي لو بنسبه بسيطة
🔹وذكر الحل
انا فعلا كنت غلطانه لما عملت كذا او لما قولت كذا
ان الكلام يبقي رايح جاي مش اني بجرمك وبطلعك غلطان
لو بمارس ال 3 دول ده بيوديني للسبب الرابع
❌الجدار العازل
هتلاقي ده بيحصل مع الأولاد في سن المراهقه
بيبعدوا عنك تماما مش عاوزين يتكلموا ولا يفتحوا بوقهم
في سياسة الحبايب بيزعل و بياخد جنب أسبوعين فانت تقول بتعرف تتجاهل فاتجاهل انا كمان
فعلى أساسه تكرار الوضع ده بيخلينا مش طايقين بعض
♻علاج ️الجدار العازل
🔹نطلب من الطرف التاني اننا نبعد لوقت
🔹نستخدم الوقت في ادارة مشاعرنا و فهم اسباب الغضب او الحزن والاحتياج وراء المشاعر وده عن طريق كتابة الأفكار والمشاعر
🔹التعبير عن نفسنا وأحتياجتنا بشكل سليم
🔹 المبادرة
نتفق ونتكلم اننا منبتش ابدا زعلانين
خلينا حتي نتكلم بتحفظ واطمن عليك وتطمن علي بس منقطعش خالص
العلاقات لا يُبقيها الحب ، ما يُبقيها هو الأمان وعدم الخوف من الغدر وتقلب الرأي والتهديد بالرحيل و تجنب الإهانة و إحترام وتقدير الطرف الأخر..
