المقالات

زعلان ومش دريان!

هل احنا ممكن نكون زعلانين ومش دريانين؟!
نكون بنعمل عادات سلبية بسيطة يومياً بس بنفعل بيها حاجات جوه جسمنا هرمونات مثلاً مش المفروض انها تفرز بالنسبة الكبيرة دي
فبنأذي نفسنا بنفسنا و احنا مش مركزين!

طب تعرف ازاي اذا كنت زعلان ومش دريان؟!

1️⃣بتهمل نفسك
هل أنت دايماً بتاخد خطوات كتير ناحية الناس اللي حواليك ومابتفكرش أبداً تاخد خطوة ناحية نفسك؟
لو بتعمل ده
#الحل

 تاخد خطوة ناحية نفسك يومياً
ولو بمعدل 1% من اليوم يعني تقريباً ربع ساعة
ولو خدت الخطوة دي ناحية نفسك يومياً حياتك كلها هتتغير للأحسن

2️⃣ بتسعى لثناء الناس
حياتك بتدور على ان اللي حواليك يكونوا راضين حتى لو ده معناه انك هتيجي علي نفسك ولو زعلوا منك يبقى هتحزن وتتألم جداً
#الحل
أعمل اللي يخليك سعيد مش اللي بيخليك مقبول عند الناس
طلاما مابتأذيش حد خلاص أعمل اللي يناسبك أنت و يخليك مرتاح وسعيد 👌
"أن يكرهك الناس وأنت تثق بنفسك وتحترمها أهون كثيراً من أن يحبك الناس وأنت تكره نفسك ولا تثق بها."

3️⃣ الندم
بتدخل نفسك في دايرة من الندم ولوم النفس
ياريتني ما كنت قولت وياريتني ما كنت عملت كده وتفكر بشكل زايد
#الحل
أقبل ان ممكن تغلط عادي كلنا بنغلط
المهم تتعلم من الغلط اللي حصل وشوف اللي جاي يكون أحسن ازاي؟!

4️⃣مُحيطك كله أشخاص سلبية
الناس اللي حواليك كلهم أشخاص بتصدرلك طاقة سلبية وقايم نايم في نكد وتلقيح وحوارات
#الحل
حاول تحاوط نفسك بدايرة من الإيجابية اي كورس له مجتمع إيجابي وادخل وسط الناس دي وابدأ كوّن شبكة علاقات من ناس بتحاول تكون صح وبتسعى تكون إيحابية و بتطور نفسها للأحسن

5️⃣ مركز حواليك مش جواك
دايما شاغل نفسك باللي حواليك مين معاه فلوس أكتر مين سافر من راح
شاغل نفسك بالانستجرام والناس اللي عليه وبيعملوا ايه وبيلبسوا ايه
وعلى اساسه دايما عندك حالة عدم رضا عن وضعك وظروفك
(كلما أتسعت عيناك ضاق صدرك)
#الحل
قلل متابعة أخبار الناس وركز علي نفسك بأفكار إيجابية
والأفكار اللي تجيلك ابدأ خد خطوات عشان تنفذها
حتي لو خطواتك حالا بسيطة
البسيط دلوقتي السنة الجاية هيبقى كبير

أنت الذي تلون حياتك بنظرتك إليها فحياتك من صنع أفكارك فلا تضع نظارة سوداء على عينيك.