المقالات

يا ترى ايه الي بيخلينا شخصية لا تقاوم والناس تحب صحبتنا؟! 

بلاقي ده في تعاملات سهلة وبسيطة بس احنا بنغفل عنها 

◻️"عامل كما تُحب أن تعامل"

"Give what you want" 💫
 

لو محتاجه محبة أُظهر المحبة للناس 

محتاجة احترام أحترم نفسي أولاً و أظهر احترامي للناس 

◻️(كن أنت) 

لازم يكون عندنا ثقة في نفسنا 

قادرة أتعامل مع الناس بدون خوف 

قادرة تبصي في عيون الناس 

قادرة تكون علي حقيقتك بدون تزيف او تصنع.. 

◻️منندمجش في قعدات النميممه 

بمعنى اول ما نلاقي حد بدأ كلامة بجملة (اسكووووووتي هو انتِ معرفتيش الي حصل) 🤨

وبعدها بندخل في دائرة من الكلام علي شخصية او شخصيات 

نحاول منكونش أبداً في الدائرة دي 

ولو حصل اتشدينا ليها نحاول نكون الطرف الي بيرد غيبة الشخص الي بيتم الكلام عليه

نلاقيله مبرر لتصرفه او نرد بميزاته الي أكيد علي الأقل ولو ميزة واحدة في كل شخص.. 

ده بيخلي الناس تلقائيا تثق فيك وتحس انها أمنه معاك في حضورها و في غيابها 

مَن اعتادَ منه الناسُ ردَّ الغِيبةِ  

هابُوا أن يغتابوا في مجلسه 

◻️تقبل ان مستحييييل كل الناس هتحبنا 

مش عشان احنا وحشين ولا عشان هما الي وحشين 

عشان شعور المحبة و الألفة مش بيتولد بين كل القلوب 

"الأرواح جنود مجندة ما تعارف منها أئتلف وما تنافر منها أختلف" 🤝 

⬜محاولش اني استرضي كل الناس عشان يحبوني

 و أقعد ازعل و أهري في نفسي لما ألاقي شخص مش بيحبني 

لان ده بيدي انطباع للناس اني شخص جوايا حاجة مش كويسه بداري عليها بمحاولات التجمل و الاسترضاء المبالغ فيها لكل الناس

من أهم الحاجات الي بتظهر انك كشخص بتقدر نفسك و بتحترمها و شخص سوي اني أتقبل ان زي ما في ناس هتحبني في ناس هتكرهني 

إنسان بلا عدوات =إنسان بلا مبادئ 👌 

◻️أكون الشخص الي بيدي روح حلوة للمكان 

سواء باني بشجع الناس و بديهم طاقة ايجابيه 

أو إني بهزر معاهم و أضحكهم وأخليهم مبسوطين 

أو اني أكون لطيف وحنون معاهم 

"فبما رحمة من الله لنت لهم ولو كنت فظاً غليظ القلب لانفضوا من حولك".. 🤍