المقالات

لقيت عيوب جدت عليا 

من أصعب المواقف الي بتعلّم علينا لفترة من الوقت إن ناس كنا مقربينهم جدًا مننا يتكلموا عنذا بسوء للناس

سواء بعيوب موجوده فينا فعلا (غيبة) 

أو بتلفيق كلام ماحصلش و ادعاءات مش فينا (بهتان) 

ده بيسحبنا في دوامة من الألم و الصدمة 

وبدون وعي مننا ممكن بعد فترة نكتشف اننا بقينا بنعمل نفس التصرف اللي أتاذينا منه 

وبقينا احنا اللي بنحكي عنهم للناس بعيوب فيهم (غيبة) أو بنحكي كلام ومواقف معندناش عليها دليل (بهتان) 

أو علي الأقل خالص بنشارك في الغيبة بتأكيد على الكلام اللي بيتقال عنهم

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ عَيَّرَ أَخَاهُ بِذَنْبٍ لَمْ يَمُتْ حَتَّى يَعْمَلَهُ. أَخْرَجَهُ التِّرْمِذِيُّ" 

الحل 

✅ الإدراك

ادراك إنك بقيت بتعمل نفس العيب أو الذنب اللي كان بيأذيك 

✅ القرار

انك هتوقف العيب و الذنب ده فورا  

لو كان الغيبة مثلًا

اقرأ عن الغيبة أكتر و إزاي تتجنبها

✅ تفعيل العكس 

لو جت سيرة الشخص ده قدامك اتكلم عليه كويس وادعيله

وادعي لنفسك إن ربنا يحفظ قلبك ولسانك عن الغيبه 

‏"من تخلص من الغيبة والنميمة فإنه قد تخلص من ثُلثي عذَاب القبر."